Ndryshimet kushtetuese, sipas Presidentit Ilir Meta, cënojnë marrëveshjen politike të 5 Qershorit, rikthejnë konfliktin politik në vend, si dhe rrezikojnë aspiratën europiane të Shqipërisë.
Për kreun e shtetit, ndërmarrja e kësaj nisme bie ndesh me ligjin themeltar të shtetit, i cili ndalon ndërmarrjen e iniciativave të tilla në kohë të gjendjes së jashtëzakonshme.
Më tej shkoi në argumentin e tij kur tha se ndryshimet kushtetuese bien ndesh edhe me vetë opinionin e Venecias në kodin e praktikave të mira, duke risjellë edhe një herë në vëmendje atë që e cilëson ilegjitimitet të numrave në Kuvend.
Akuzave të Kryeministrit se e ka kthyer institucionin e Presidencës në seli të opozitës, iu kundërpërgjigj me një deklaratë të bërë më herët nga vetë Rama.
Ashtu si në 2 Mars, sërish kreu i shtetit tha se si garant i Kushtetutës do të frenojë çdo përpjekje të njëanshme të maxhorancës për të ndryshuar të drejtën që Kushtetuta ia njeh sovranit.
Presidenti Meta bëri edhe një herë thirrje për reflektim, duke ftuar palët të heqin dorë nga retorika shterpë dhe tentativat që minojnë procesin e integrimit europian të vendit.
Tv Klan

SUBSCRIBE to ?RTV KLAN? on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: https://www.facebook.com/tvklan/
Follow rtvklan on Instagram: https://www.instagram.com/rtvklan/
Programet e Tv Klan mund t?i ndiqni edhe në faqen https://tvklan.al/programe/