Kreu i Partisë Demokratike, Lulzim Basha ka lënë pas "paqen" dhe i është rikthyer akuzave ndaj kryeministrit Edi Rama dhe qeverisë.

Pas një takimi me banorët e prekur nga tërmeti i 26 nëntorit, Basha tha se mjaftoi ajo lëkundje tragjike për të nxjerrë në pah dështimin e qeverisë. Ai ka hedhur akuza shumë të forta duke nisur që nga shpërndarja e ndihmave, sipas së cilit është bërë në mënyrë selektive sipas preferencave partiak tek mungesa e transparencës dhe informimit të duhur të qytetarëve.