Në Gjirokastër sezoni turistik i këtij viti regjistroi në statistikat lokale gati 140 mijë vizitorë të huaj dhe vendas, çka tregon se trendi i atyre që vizituan monumentet ka ardhur në rritje.

Në një takim që analizoi rezultatet dhe problemet e sezonit turistik u tërhoq vëmendja për numrin e lartë të bujtinave dhe njësive të tjera në funksion të turizmit, që gjenden jashtë sistemit fiskal dhe operojnë në informalitet.

Kreu i Dhomës së Tregtisë dhe Industrisë Maksim Hoxha tha se kjo kategori po kryen konkurrencë të pandershme kundrejt taksapaguesve të rregullt në tregun e turizmit.

Çështje që preku dhe u bë pjesë e komenteve negative të vizitorëve këtë vit ishte sërish ndotja sidomos në zonat rurale. Specialisti i drejtorisë të monumenteve ngre problemin e mungesës së kapaciteteve të bashkive për të zgjidhur problemin.

Ndërsa prefekti i qarkut z. Astrit Aliaj tërhoqi vëmendjen edhe për nevojën për informacion mbi problematikat që duhet të përcjelle sektori i turizmit.

Në të gjithë qarkun e Gjirokastrës numërohen gjithsej rreth 4700 biznese. Gjatë vitit të fundit u regjistruan në platformën e Booking mbi 170 bujtina të reja shumica e të cilave ende nuk janë regjistruar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV

Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH