الردة أو الـ Bran هي نخالة القمح يعني القمح بيبقى له قشرة وهما بيشيلوا القشرة دي وهي دي الردة أو Bran إيه ميزتها هي مليانة بالألياف اسمها Cellulose الألياف دي كويسة جدا لحركة الأمعاء وكمان بتملأ المعدة فا بالذات مع السوائل اللي بناخدها معاها فا بتدينا إحساس بالشبع كأنه بالظبط إحنا عاملين عملية بالون المعدة فا أنا باقول عليها دي البالون الطبيعي للمعدة يعني بتساعد جدا على إنقاص الوزن لأنك بتحس معاها بالشبع مع وجبة صغيرة وفي نفس الوقت بتقلل رغبتك في أكل السكريات بتمنع امتصاص الدهون فا أو بتقلل امتصاص الدهون بالذات المضرة منها وبالتالي بتحسن الكولسترول عندك بتخلي الكويس بس هو اللي موجود وتقلل امتصاص الكولسترول الضار أيضا في ناس بيقولوا أنها بتحسن جدا حركة القولون عندهم فا بالتالي بتعالج الإمساك وبعض حالات القولون العصبي بتهديه إزاي نحضرها؟ هي ممكن نستعملها مع خليط من الزبادي والعسل ونحطها عليه وممكن نشتريها بودرة يعني رقيقة جدا وبالتالي نستعملها مع عصير بس لازم نشربه بسرعة أوي أول ما نحطها علشان بتعمل كلكيعة كبيرة كدة فا هاوريكم الطريقة بتاخد معلقة أو 2 حسب أنت بتحب طعمها قد إيه وتحطه في العصير وتقلبه كويس وتشربه بسرعة جدا تفضل تقلب فيه لحد ما تذوب تماما وتشربه بسرعة أشرب معاها مياه كتير كل ما تشرب مياه هي تتنفش أكتر أنت لو عملت كدة قبل الأكل يعني بربع ساعة أو نص ساعة ها تبقى معدتك مليانة فا تحس أنك عاوز تأكل وجبة أقل دة ها يساعدك جدا على إنقاص الوزن
تمنياتي بكل الصحة

Subscribe to official Alyaa Gad channel : http://bit.ly/AlyaaGad

Follow Alyaa Gad :
http://www.afham.tv
https://www.facebook.com/dr.AlyaaGad
https://twitter.com/AlyaaGad