Opozita e konsideron të papërshtatshëm dhe kundërproduktiv për interesat europiane të Shqipërisë që Taulant Balla të jetë pjesë e Delegacionit Parlamentar dhe bashkëkryesues i Komisionit të Përbashkët të Asociim Stabilizimit me Bashkimin Europian. Për këtë arsye, në një letër drejtuar Kryetarit të Kuvendit Gramoz Ruçi, anëtarët e opozitës në delegacion (Genc Pollo, Albana Vokshi, Klajda Gjosha, Jorida Tabaku, Oerd Bylykbashi dhe Aldo Bumçi) kërkuan zëvendësimin e Ballës me një tjetër socialist, që të jetë, sipas tyre, pa lidhje kriminale.