Emetimi i eurobondit me vlerë 500 milionë Euro me një afat më të gjatë dhe me normë interesi më të ulët, shihet nga ekspertët si një ulje e kostos së borxhit publik për qytetarët shqiptarë. Ardian Civici thotë se ndryshe nga herët e shkuara interesi prej 3.5%, bën që buxheti të paguajë më pak për borxhin e marrë.

Zef Preçi thekson se mund të synohej edhe një normë më e ulët e interesit për eurobondin duke e  krahasuar me Malin e Zi dhe Maqedoninë.

Për Preçin, më shumë se një rinovim i eurobondit, qeveria duhet të synojë të ulë barrën e tij.

Një ditë më parë ministria e Financave mbylli transaksionin për eurobondin. Bondi në euro është një borxh që nuk merret në tregjet vendase, siç është rasti i bonove të thesarit, por në bursa. Në këtë rast norma e interesit që ofrojnë investitorët vendoset nga besimi që ata kanë të ekonomia shqiptare, sa më e ulët të jetë ajo, aq më i lartë është besimi i tyre, por edhe kosto që paguan buxheti për shlyerjen e tij në vite.

Tv Klan