http://www.vizionplus.tv
https://facebook.com/VizionPlusTV
https://instagram.com/vizionplustelevizion
https://twitter.com/VizionPlusTV
Ky është një nga tre plazhet në Vlorë që është bllokuar nga bashkia, pasi nuk kishte plotësuar kushtet e kontratës. Arsyeja është mungesa e vrojtuesve në bregdet dhe mungesa e kufijve ujore për sigurinë.



Që në orët e para të mëngjesit, policia bashkiake nisi aksionin, duke sekuestruar çadrat dhe shezllonet atyre bizneseve që kishin parregullsi.



Aksioni do të shtrihet nga plazhi i Ri deri në Orikum. Ai vjen dy ditë pasi ministri Klosi u dërgoi një letër kryetareve të bashkive në zonat bregdetare për të marrë masa ndaj subjekteve abuzuese.



E premtja e gjeti bregdetin e Shëngjinit me kulla vrojtimi, flamuj jeshil dhe bova që bëjnë ndarjen e zonës së lundrimit nga ajo e notimit.



Një nga vrojtuesit e këtij plazhi tregon se si organizohet puna për të shpëtuar pushuesit në rastet e rrezikut.



Vendosjen e kullave të vrojtimit dhe masat e tjera i panë nga afër edhe dy ministre.



Plazhi i Shëngjinit është një ndër më të frekuentuarit gjatë sezonit, sidomos me pushues nga Kosova.