Tjetër ngërç në procesin e Reformës në Drejtësi. Kryetari i Komisionit të Ligjeve, Ulsi Manja ka thënë sot në Komisionin e Ligjeve, se në Komisionin e Monitorimit ka 5 vende vakante.

Gazetarja e Report Tv, Esiona Konomi, raporton se në këtë Komision kanë aplikuar vetëm Sajmir Visha dhe Artan Spahiu.

Në këto rrethana, Komisioni i Ligjeve ka rihapur thirrjet për të plotësuar vendet vakante. Në komision ka patur debate për Ligjin e Avokatisë. Shkak është bërë një propozim për të lejuar çdo gjyqtar dhe prokuror të ?djegur? nga Vettingu, në fushën e avokatisë.

Socialisti Fino ka thënë se kjo është e papranueshme, pasi Kuvendi s?mund të bëhet strehë e atyre që djeg Vettingu.

Debatet e plota:

Fino: S?mund ta pranoj këtë

Shahmeti: T?i pushkatojmë?

Fino: Si mund të bëheni strehë e gjyqtarëve dhe prokurorëve që i djeg Vettingu.

Haxhia: Ke të drejtë morale, por bie ndesh me të drejtën për të ushtruar profesionin.

Shameti: Lëri tani ato komente

Manja: Ju lutem, të mbarojë zoti Fino.

Fino: Jo ti pushkatojmë, por të bëjnë një tjetër profesion.

Sa vetë kemi që nuk ushtrojnë të drejtën për profesionin, jurist, mjekë inxhinierë. S?kanë të drejtë të fshihen pas avokatisë.

Maks Haxhia: Nga pikëpamja morale keni të drejtë. Duke qenë profesion i lirë, ka disa barrier funksionimi. Është apo s?është i dënuar, se vlerësoj unë. Se po u largua nga Komisionet e Vetingut për imoralitet, se ndalojmë dot. Nuk mund të marrë avokatia rolin e gjykatësit. Të shkojë në Gjykatë.