Actor Nani recently signed a sports drama titled as Jersey under the production banner of Sitara Entertainments. As soon as he wraps up this project, he is expected to join the sets of a movie under Dil Raju's production. As per the latest reports, two interesting things about the movie came out. The movie is going to run with a political backdrop, tiltled Sabhaku Namaskaram.

హీరో నాని.... క్లాప్ బాయ్‍‌గా కెరీర్ మొదలుపెట్టి ఎవరూ ఊహించని విధంగా అతి తక్కువ కాలంలోనే తన టాలెంటుతో తెలుగులో స్టార్ హీరో రేంజికి వెళ్లిపోయాడు. తారక్ లాంటి పెద్ద హీరోలు హోస్ట్ చేసిన బిగ్ బాస్ లాంటి రియాల్టీ షోలకు నాని తప్ప మరో ప్రత్యామ్నాయం కనిపించలేదంటే... ఈ నేచురల్ స్టార్‌కు ప్రేక్షకుల్లో ఎంత క్రేజ్ ఉందో అర్థం చేసుకోవచ్చు. సినిమాల పరంగా రకరకాల జానర్లు చేస్తూ డిఫరెంట్ కాన్సెప్టులు ఎంచుకుంటూ సక్సెస్ మీద సక్సెస్ కొడుతున్న నాని... త్వరలో పాలిటిక్స్‌ జోన్లోకి రాబోతున్నాడట. కొంపదీసి నాని 2019 ఎన్నికలపై దృష్టి పెట్టాడని మాత్రం అనుకోవద్దు. పొలిటికల్ జానర్ మూవీ చేయబోతున్నాడంతే!
నాని చేయబోతున్న పొలిటికల్ మూవీకి ‘సభకు నమస్కారం' అనే టైటిల్ అనుకుంటున్నట్లు సమాచారం. ప్రముఖ నిర్మాత దిల్ రాజు ఈచిత్రాన్ని నిర్మించబోతున్నారట. ఈ సినిమా ద్వారా కొత్త దర్శకుడిని పరిచయం చేయబోతున్నట్లు తెలుస్తోంది.
ప్రస్తుతం తెలుగు సినిమా పరిశ్రమలో పొలిటికల్ సినిమాల ట్రెండ్ నడుస్తోంది. ఇటీవల మహేష్ బాబు నటించిన ‘భరత్ అనే నేను' మూవీ బ్లాక్ బస్టర్ హిట్ అయిన సంగతి తెలిసిందే. ఇదే జానర్లో త్వరలో విజయ్ దేవరకొండ నటించిన ‘నోటా' మూవీ కూడా రాబోతోంది. ప్రస్తుతం తెలుగు రాష్ట్రాల్లో ఎలక్షన్ మేనియా ఉన్న నేపథ్యంలో ఇలాంటి సమయంలో పొలిటికల్ థ్రిల్లర్స్ జనాలకు బాగా ఎక్కుతాయని భావిస్తున్నారు.