Bigg Boss Telugu 2 Day 8 highlights. Bigg Boss instructs the contestants to pair up and nominate others for elimination. The new member, Nandini introduces herself and tries to blend in with the housemates.
#BiggBossSeason2Telugu

బిగ్ బాస్ తెలుగు రెండో సీజన్ రోజులు గడిచే కొద్దీ రసవత్తరంగా సాగుతోంది. తొలి వారం ఇంటి నుండి మిస్ హైదరాబాద్ సంజన ఎలిమినేట్ అయిన సంగతి తెలిసిందే. మళ్లీ సోమవారం... ఈ వీక్ ఎలిమినేషన్‌కు నామినేషన్ ప్రక్రియ మొదలైంది. సామ్రాట్ కెప్టెన్ కావడంతో అతడు నామినేషన్ నుండి సేఫ్ అయ్యాడు. ఈ సందర్భంగా సామ్రాట్‌కు ఓ స్పెషల్ పవర్ ఇచ్చాడు బిగ్ బాస్. ఎవరో ఒకరిని నేరుగా నామినేషన్ చేయవచ్చని తెలిపారు.
అందరి ముందే ఒకరి పేరును నేరుగా నామినేట్ చేయాలని కెప్టెన్ సామ్రాట్‌కు సూచించడంతో..... ఎవరి పేరు చెప్పాలో అర్థంకాక ఇబ్బంది పడ్డాడు. ఎవరి పేరు చెబితే ఎలాంటి ఇబ్బందులు వస్తాయో? అని భావించి చివరకు అమాయకురాలైన, అందరికంటే చిన్న పిల్ల అయిన దీప్తి సునైనను నామినేట్ చేశాడు.
ఈసారి నామినేషన్ల ప్రక్రియ ఆసక్తికరంగా జరిగింది. ఎవరెవరికైతే పడదో వారిని ఇద్దరి చొప్పున కన్‌ఫెషన్ రూముకు పిలిచి నామినేషన్లు స్వీకరించారు బిగ్ బాస్. ఆల్రెడీ దీప్తి సునైనను కెప్టెన్ నేరుగా నామినేట్ చేయగా..... ఇంటి సభ్యులు చెప్పిన వివరాల ప్రకారం..... ఎక్కువ ఓట్లు పడ్డ గణేష్, నూతన్ నాయుడు, కౌశల్, బాబు గోగినేని ఈ వారం ఎలిమినేషన్‌కు నామినేట్ అయ్యారు. వీరిలో ఒకరు వచ్చే ఆదివారం ఇంటి నుండి బయటకు వెళ్లనున్నారు.