Hero Tarun, actress Tejaswi Madivada and singer Geetha Madhuri are the contestants of Bigg Boss season 2. Natural star Nani to host the show. The Bigg Boss set is ready at Annapurna 7 acres studios. Shooting starts from next month.

తెలుగు టెలివిజన్ చరిత్రలో సంచలన రేటింగ్స్ నమోదు చేసి తొలి సీజన్లోనే ఎంతో మందికి ఫేవరెట్ షోగా మారింది 'బిగ్ బాస్ తెలుగు' రియాల్టీ షో. గతేడాది యంగ్ టైగర్ ఎన్టీఆర్ హోస్ట్ చేసిన ఈ షో సూపర్ సక్సెస్ అయిన సంగతి తెలిసిందే. రెండో సీజన్ ఎప్పుడు మొదలవుతుందా? అని బిగ్ బాస్ అభిమానులు ఆసక్తిగా ఎదురు చూస్తున్న తరుణంలో ఇటీవల ఈ షోకు సంబంధించిన వివరాలు ప్రకటించడంతో పాటు లోగో రిలీజ్ చేశారు నిర్వాహకులు. అయితే ఈ సారి కంటెస్టెంట్స్ ఎవరు? హోస్ట్ ఎవరు? అనే దానిపై ఇంకా ఉత్కంఠ కొనసాగుతోంది. ఈ నేపథ్యంలో కొన్ని వివరాలు బయటకొచ్చాయి.
సినిమాలతో యంగ్ టైగర్ ఎన్టీఆర్ బిజీ కావడం వల్ల రెండో సీజన్‌కు మరో హీరోను నిర్వాహకులు ఫైనల్ చేశారు. అతడు మరెవరో కాదు నేచురల్ స్టార్ నాని. తన వాక్ చాతుర్యంతో ప్రేక్షకులను మంత్రముగ్దులను చేయగల టాలెంట్ నాని సొంతం. దీంతో పాటు నాని ఫాంలో ఉన్న హీరో. అందుకే నానిని ఈ షో హోస్ట్ చేయడానికి ఒప్పించారు నిర్వాహకులు. కొన్ని రోజుల్లో నానితో బిగ్ బాస్ 2 తెలుగు ప్రోమో విడుదల చేసి ప్రమోషన్స్ నిర్వహించనున్నారు.
గత సీజన్లో హీరో నవదీప్ బాగ్ బాస్ షోలో కంటెస్టెంట్‌గా పాల్గొని సందడి చేశారు. ఈ సారి టాలీవుడ్లో లవర్ బాయ్‌గా మంచి గుర్తింపు తెచ్చుకున్న హీరో తరుణ్ ఈ షోలో కంటెస్టెంట్‌గా బిగ్ బాస్ ఇంట్లో అడుగు పెట్టబోతున్నారు.
ఇక టాలీవుడ్లో తన సెక్సీ అప్పియరెన్స్‌తో హాట్ బ్యూటీగా పేరు తెచ్చుకున్న తెలుగుమ్మాయి తేజస్వి మదివాడ ఈ సారి బిగ్ బాస్ హౌస్‌లో తన గ్లామరస్ పెర్ఫార్మెన్స్‌తో ప్రేక్షకులను ఎంటర్టెన్ చేయబోతోంది.
టాలీవుడ్లో యంగ్ జనరేషన్ సింగర్లలో తనకంటూ ప్రత్యేక గుర్తింపు తెచ్చున్న వారిలో ప్రముఖంగా చెప్పుకోవాల్సిన పేరు గీతా మాధురి. ఈ సారి గీతా మాధురి ఈ షోలో హైలెట్ కాబోతున్నారు.