Nga Asambleja e PS, ministrja e Arsimit Nikolla deklaroi se kryefjala e këtij mandati do të jetë reforma e mësuesisë.

Ndërsa ministrja e Shëndetësisë, Manastirliu referuar debatit për ndihmën ekonomike, iu përgjigj opozitës duke thënë se në skemë janë futur për herë të parë 10 mijë familje në nevojë.

10 mijë familje në nevojë janë futur për herë të parë. Kemi edhe shumë rrugë përpara për të bërë të mundur atë që kemi premtuar. Si asnjëherë më parë, 2018 do të jetë viti kur ne përfundojmë rehabilitimin tërësor të 80 qendrave shëndetësore. Nga Kukësi në Sarandë, ky vit do të njohë investime madhore në Shëndetësi, që kapin vlerën 14 milion Euro, vetëm për vitin 2018. Ne hapëm kantierin e QSUT, me fillimin e punimeve të Spitalit të Kirurgjisë dhe Spitalit të Sëmundjeve të brendshme. 4.5 milion euro pajisje mjekësore po instalohen aktualisht ne spitalet rajonale, veriu në jug të vendit, duke hapur shërbime të reja, si ai i urgjencës së zemrës në Fier, rezonancës në Elbasan, apo instalimi i Mamografive në 5 spitalet rajonale: Durrës, Vlorë, Dibër, Kukës dhe Gjirokastër.