9 shoferë të arrestuar dhe 49 leje drejtimi të pezulluar është bilanci i aksionit të Policisë Rrugore në rrugët e Tiranës dhe në autostradën Tiranë-Durrës gjatë kontrolleve të 24 orëve të fundit.

Por paçka aksioneve të vazhdueshme përgjatë fundjavave shoferët duket se as nuk i përfillin penalitetet e policisë duke i përdorur rrugët si pistë garash. Vetëm mbrëmë katër mjete luksoze janë gjobitur pasi ata kanë qarkulluar me shpejtësi 150-180-185 dhe 196 km/h kur shpejtësia e lejuar varion nga 60-90 km.