Subscribe në Ora News këtu http://bit.ly/1s5j7UT

Avokati i prokurores, Rovena Gashi, shpërtheu në akuza ndaj gjyqtarëve të Gjykatës Administrative pas vendimit të kësaj gjykate për rrëzimin e padisë së Gashit ndaj kryeprokures Arta Marku.

Në një prononcim për mediat, Çlirim Gjata, tha se gjyqtarët po i shërbejnë në mënyrë të turpshme pushtetit me besimin se do ti shpëtojnë vettingut.

Gjata: "Këta gjyqtarë që i shërbejnë pushtetit në këtë formë të turpshme kujtojnë se do të shpëtojnë por askush nuk do ti shpëtojë vettingut. Gjyqtarët kanë nxjerrë tezgat dhe shesin dinjitetin e tyre. Kujtojnë se do të shpëtojnë nga vettingu me këto vendime".

Gjata shtoi më tej se vendimi i sotëm krijon precedentin për çdo drejtues që të bëjë çfarë të dojë me punëmarrësin.

Gjata: "Thelbi i këtij vendimi ishte se ky është rregullim i brendshëm në punën e administratës. Asnjë punëmarrës nuk është i sigurtë sot përballë drejtuesit. Me këtë vendim çdo drejtues mund të bëjë gjithçka me punëmarrësin. Çdo drejtues institucioni mund të bëjë çdo gjë dhe e quan si pjesë e rregullit të brendshëm të institucionit që ai drejton. Dhe kjo quhet rregullim i brendshëm".

Për më shumë lexoni në:
http://oranews.tv/article/rrezimi-i-padise-avokati-i-gashit-gjyqtaret-po-shesin-dinjitetin-ti-shpetuar-vettingut