GJIROKASTER - Një pallat pesë katësh rrezikon shembjen në lagjen "Punëtori" në Gjirokastër. Gazetari i Report Tv në Gjirokastër, Piro Nase raportoi live nga vendngjarja duke deklaruar se shkak është bërë një gërmim në pjesën jugore të pallatit, për ndërtimin e një objekti dy katësh.

Janë rreth 15 familje që kanë lënë pallatin nga frika e shembjes së tij. Ndërkohë, gërmimet në pjesën jugore të pallatit vijojnë dhe reshjet e ditëve të fundit kanë përkeqësuar situatën.
Ndërkohë, në vendin e ngjarjes ndodhen edhe forca të policisë së shtetit dhe asaj bashkiake të cilët kanë marrë në pyetje pronaren e objektit në ndërtim, Marjana Kurkari, punimet për të cilin kanë sjellë edhe rrëshqitjen e dherave çka rrezikojnë shembjen e pallatit pesë katësh dhe lënien në qiell të hapur të 15 familjeve.