Subscribe në Ora News këtu http://bit.ly/1s5j7UT

Pas dy ditëve më shi, reshjet e dëborës kanë përfshirë rajonet malore mbi 500 metra në veri e verilindje.

Trashësia e Dëborës arrin nga 5 deri në 50 cm, por me përjashtim të rrugës problematike të Dukagjinit, të gjitha rrugët e tjera janë të kalueshme pa probleme! në Rrugën e Kombit pati vështirësi në orët e para të mëngjesit, por situata është normalizuar pas ndërhyrjes së borëpastrueseve dhe hedhjes së kripës.

Kukës

Në qarkun e Kukësit, trashësia e dëborës në akset rrugore ka shkuar nga 4 cm deri në 20 cm në rajonin e Tunelit Kalimash dhe Valbonë.

Në orët e mëngjesit pati vështirësi momentale në qarkullimin e mjeteve në aksin Kukës-Tuneli i Kalimashit, por pas ndërhyrjes së firmave nënkontraktore situata u normalizua.

Probleme të ngjashme u regjistruan edhe në akse të tjera, ku për të përballuar situatën punojnë 22 borëpastruese dhe 1 fadromë.

Të gjitha akset rrugore që përshkojnë Qarkun e Kukësit janë të qarkullueshme pa zinxhirë.

Akset rrugore Kukës

Rruga e Kombit, 20 cm dëborë

Kolsh-Q.Shllak, 15 cm dëborë

Kukës-Bushtricë, 6 cm dëborë

Kukës-Ura e Zapodit, 5 cm dëbore.

Bajram Curri-Kam, 10 cm dëborë

Bajram Curri-Valbonë, 20 cm dëborë

Q.Morinë-B.Curri-Fierzë-Lekbibaj, 7 cm dëborë

Dibër

Reshjet e shiut të dy ditëve të fundit ia lanë vendin dëborës edhe në qarkun e Dibrës, prej mbrëmjes së të dielës.

Trashësia e dëborës arriti në disa centimetra në qytet, por nuk raportohen probleme në lëvizjen e këmbësorë apo makinave.

Shkodër

Në qarkun e Shkodrës, Dukagjini mbetet i bllokuar, ndërsa trashësia e dëborës ka arritur deri në 50 cm.

Reshje dëbore janë regjistruar edhe në qarqe të tjerë në lartësitë mbi 800 metra mbi nivelin e detit, por ndërsa temperaturat kanë zbritur nën zero, nuk raportohet për probleme. Megjithatë, policia u bën thirrje drejtuesve të mjeteve në zonat ku ka reshje dëbore që të tregohen të kujdesshëm dhe të zbatojnë rregullat e qarkullimit rrugor, sikurse të sigurohen që të kenë zinxhirë.


Për më shumë lexoni në:
http://oranews.tv/article/bora-zbardh-dukagjinin-kukesin-dhe-peshkopine