Presidenti i vendit, Ilir Meta ka shkuar në fshatin Ferraz të Levanit ku është takuar me grupet e Emrgjencave Civile dhe Forcat e Armatosura, ku është interesuar në lidhje me situatën e vështirë që po kalon vendi për shkak të motit të keq.
Këtë takim Meta e ka pasqyruar edhe në Facebook-un e tij ku shpreh mirënjohje për sakrificat e grupeve që po punojnë për menaxhimin e situatave.

Statusi në Facebook i Ilir Metës
Kënaqësi të falenderoja sot në Ferras Forcat e Armatosura, ato të Policisë dhe ekipet e emergjencave të Kosovës për menaxhimin plot përkushtim të përmbytjeve të Vjosës në ndihmë të banorëve të rrezikuar. Mirënjohje për sakrificat e tyre sepse jeta e qytetarëve është e para.

Prej dy ditësh vendi është duke kaluar një situatë të vështirë për shkak të shirave të shumtë. Reshjet kanë shkaktuar rrëshkitje të dherave, lumenj të fryrë, që kanë dalë nga shtrati dhe kanë përmbytush shumë zona, në Fier, Vlorë, Fushë-Kryjë, etj, dhe probleme me energjinë elektrike në shumë zona të vendit.