Një 45-vjeçarë, i identifikuar nga policia si Edmond Memaga është arrestuar ditën e sotmë në Tiranë pasi iu sekuestruan dy armë luftarake dhe municion.
Sipas policisë Memaga kishte si qëllim kalimin e tyre në shtrin fqinjë greqi. Arrestimi i tij u bë në një rrugë të fshatit Petrelë ku gjatë kontrollit policia i gjeti: një pushkë model 56, një automatik model 56, 2 krehëra fishekësh dhe 150 copë fishek model 56.

Gjithashtu nga kontrolli i banesës, ju gjetën dhe sekuestruan në cilësinë e provës materiale 480 copë fishek model 56, 125 copë fishek të tjerë dhe 3 thika.

Materialet iu referuan Prokurorisë së Rrethit Gjyqësor Tiranë, për vepren penale "Prodhim dhe mbajtja pa leje e armëve luftarake dhe municionit" dhe " Prodhim, mbajtja, blerja apo shitja pa leje e armëve të ftohta".