Subscribe në Ora News këtu http://bit.ly/1s5j7UT
Gjykata e Kavajës ka dënuar me burgim të përjetshëm shtetasin Musa Saraçi, i akuzuar për marrjen peng dhe vrasjen e taksistit Idriz Karriqi.
Ngjarja ka ndodhur me 14.12.2016 në qytetin e Kavajës, ku Saraçi e goditi disa herë me thikë taksistin duke i shkaktuar vdekjen. Trupi i viktimës u gjet në anë të rrugës në disa shkurre në fshatin Greth.
Saraçi i kishte kërkuar taksistit ta çonte në grykëderdhjen e Shkumbinit dhe aty e ka goditur me thikë. Pas kësaj ai ka nxjerrë trupin e viktimës nga mjeti dhe është larguar me taksinë.
Disa minuta me pas ka përplasur taksinë dhe e ka çuar në një servis. Këtu është zbuluar nga policia, e cila mbrëmjen e 15 dhjetorit 2016 ka bërë dhe arrestimin e tij.
Pas arrestimit, Musa Saraçi, me banim në Gose të Kavajës ka treguar të gjithë ngjarjen dhe vendin ku e kishte hedhur trupin e viktimës.
Burime në prokurorinë e rrethit patën deklaruar atëherë se i riu i arrestuar nga policia për krimin, ishte një përdorues droge, dhe taksistin e kishte prenotuar me qëllim grabitjen e parave.

Për më shumë lexoni në:
http://www.oranews.tv/vendi/vrau-taksistin-per-19-mije-leke-burg-per-jete-per-musa-saracin/