http://www.vizionplus.tv
https://facebook.com/VizionPlusTV
https://twitter.com/VizionPlusTV
Ministrja e Mbrojtjes, Olta Xhaçka premtoi se Shqipëria do të jetë konkrete në ndihmë të Kosovës si në rrafshin politik ashtu dhe në atë të integrimit. Xhacka priti ministrin e ri të sapozgjedhur të forcës për sigurinë e Kosovës Rustem Berisha.

?E sigurova zotin ministër se mbështetja jonë do të vijojë të jetë konkrete dhe maksimale si në rrafshin politik ashtu edhe në atë teknik. E gjithë eksperienca e Shqipërisë në rrugën e integrimit të plotë në NATO do të vijojë të përcillet me profesionalizëm dhe me dashamirësi tek vëllezërit tanë kosovarë.?


Ministri kosovar tha se Shqipëria është aleati më i fuqishëm i Kosovës në rrugëtimin drejt anëtarësimit në organizatat ndërkombëtare.

?Prioriteti aktual i FSK është të përshpejtojë transformimin në Forca të Armatosura. Dhe më lejoni të theksoj edhe këtu në Tiranë se formimi i FA nuk është në kundërshtim me pakicat serbe, por përkundrazi, është në dobi të të gjithë qytetarëve të Kosovës?.

Delegacioni kosovar mori pjesë në një mësim tregues mbi taktikat stërvitore për pjesëmarrjen në misione, në batalionin e Forcave Speciale në Zall-Herr.