ഇന്ത്യ നിലയ്ക്ക് നില്‍ക്കണം-ചൈന...!!!


അതിര്‍ത്തി കാക്കുന്ന ഇന്ത്യന്‍ സൈന്യത്തെ നിയന്ത്രിച്ച് നിര്‍ത്തണമെന്ന് ചൈന


ഇതൊരു മുന്നറിയിപ്പാണ് വരുന്നത് ചൈനയില്‍ നിന്നും.ഇന്ത്യ സൈന്യത്തെ നിയന്ത്രിച്ച് സമാധാന അന്തരീക്ഷം നിലനിര്‍ത്തണമെന്നും അതിര്ത്തി കരാറുകള്‍ നടപ്പിലാക്കണമെന്നും ചൈനീസ് മിലിട്ടറി ആവശ്യപ്പെട്ടു.ദോക്ലാം വിഷയം ചര്ച്ചയിലൂടെപരിഹരിച്ചത് അന്താരാഷ്ട്ര സഹകരണത്തിന്റെ വിജയമായി വിലയിരുത്തുകയാണ് ചൈനീസ് സൈന്യം, വിഷയത്തെ കുറിച്ച് സംസാരിക്കവെയാണ് ചൈനീസ് പ്രതിരോധവക്താവ് കേണല്‍ റെന്‍ ഗെക്വിയോംഗ് ഇക്കാര്യം വ്യക്തമാക്കിയത്.ഡോക്ലാം ഉള്‍പ്പെടെയുള്ള ചൂടന്‍ വിഷയങ്ങള്‍ ചൈന മാന്യമായി കൈകാര്യം ചെയ്തെന്നാണ് പ്രതിരോധ വക്താവ് അവകാശപ്പെടുന്നത്. ചൈനയുടെ പരമാധികാരവും, സുരക്ഷയും സൈന്യം കാത്തുസൂക്ഷിച്ചു. സൗത്ത് ചൈന കടലിലെ ചൈനയുടെ അവകാശങ്ങളും, താല്‍പര്യങ്ങളും സംരക്ഷിക്കപ്പെട്ടു. ഭൂട്ടാന് അവകാശമുള്ള പ്രദേശത്ത് പീപ്പിള്‍സ് ലിബറേഷന്‍ ആര്‍മി റോഡ് നിര്‍മ്മാണം നടത്തിയതിന്റെ പേരിലായിരുന്നു ഇന്ത്യയുമായുള്ള ഡോക്ലാം പ്രശ്നം ഉടലെടുത്തത്.ഇന്ത്യയും, വടക്കുകിഴക്കന്‍ സംസ്ഥാനങ്ങളും തമ്മില്‍ ബന്ധിപ്പിക്കുന്ന ഇടനാഴിയിലെ ചൈനീസ് റോഡ് നിര്‍മ്മാണം ഇന്ത്യന്‍ സൈന്യം തടഞ്ഞു.
73 ദിവസം നീണ്ട പ്രതിസന്ധിക്കൊടുവില്‍ ചൈന നിര്‍മ്മാണം അവസാനിപ്പിച്ച് പിന്‍മാറിയതോടെയാണ് ഇന്ത്യ സൈന്യത്തെ പരസ്പര ധാരണയില്‍ പിന്‍വലിച്ചത്.

..................

India Should Control Its Border Troops, Says Chinese Military

india