Bashkia e Tiranës ka nisur punën për ndërtimin e rrugës pedonale mbi Përroin e Gjerozës, pranë zonës së Dajtit, aktualisht një nga zonat më të degraduara në periferi të kryeqytetit, që shumë shpejt do të shndërrohet në një hapësirë model për qytetarët e që do të rrisë vlerën e pronës.

Kryetari i Bashkisë së Tiranës, Erion Veliaj, teksa inspektoi fillimin e punimeve deklaroi se, ky është një tjetër premtim i mbajtur, që jo vetëm do të transformojë zonën, por njëkohësisht do të ndikojë pozitivisht te bizneset dhe në rritjen e punësimit.