Subscribe në Ora News këtu http://bit.ly/1s5j7UT

Vatra të reja zjarri janë shfaqur në territorin shqiptar duke shkrumbuar qindëra hektarë me pyje dhe duke rrezikuar jetën e banorëve.
Në orët e para të mëngjesit, Emergjencat Civile kanë kërkuar ndihmën e kompanisë së helikopterëve VIVA për shuarjen e flakëve në fshatin Maqellarë në Dibër.
?Helikopteri të vij në ndihmë të forcave zjarrfikësve, forcave të policisë së Shtetit dhe forcave të bashkisë për shuarjen e zjarrit i cili ka marrë përmasa të mëdha dhe rrezikon banesa? theksohet në kërkesën që Sekretari i Përgjithshëm i Emergjencave, Genci Gjonçaj i drejton kompanisë Viva.
Përgjigja dhe ndërhyrja nga ajri ka qënë e shpejtë duke mundësuar izolimin e flakëve.
Pas përfundimit të këtij aksioni, kompania Viva i është përgjigjur një tjetër thirrje, këtë herë në jug të vendit.
Lufta me flakët ka vijuar në Konispol, ku një zjarr i përmasave të mëdha favorizuar nga era ka shkrumbuar hektarë me pyje në Malin Mile.

Për më shumë lexoni në: http://www.oranews.tv/vendi/zjarret-helikopteret-viva-aksione-ne-maqellare-dhe-konispol/