TIRANË-Policia ka vendosur në pranga gjatë fundjavës 7 drejtues mjetesh, nga të cilët 6 ishin të dehur, ndërsa një person për drejtim mjeti pa leje drejtimi, i cili për t'i shpëtuar arrestimit i ofroi 2000 lekë punonjësit të Policisë Rrugore.

Janë pezulluar 54 Leje Drejtimi nga te cilat: 20 për drejtim automjeti nën ndikimin e alkoolit apo në gjendje të dehur, 28 Leje Drejtimi për shpejtësi mbi normat e lejuara dhe 6 Leje Drejtimi për shkelje të ndryshme të parashikuara nga Kodi Rrugor.

Janë vendosur gjithsej 1260 gjoba, 211 për mospërdorim të rripit të sigurimit, 114 për përdorim të celularit gjatë drejtimit të automjetit, 17 për shpejtësi tej normave të lejuara, 6 për shkelje të semaforit, 51 për mospërdorim të kaskës mbrojtëse, si dhe pjesa tjetër për shkelje të ndryshme.