http://www.vizionplus.tv
https://facebook.com/VizionPlusTV
https://twitter.com/VizionPlusTV
Pak dite pas miratimit te rezolutës per Shqipërinë ne Parlamentin Europian, raportuesi per Shqipërinë, Knut Flekenshtajn do te zhvilloje duke nisur nga e hëna nje vizite tre-ditore ne Tiranë. Takimet e eurodeputetit vijnë ne kohen kur opozita ka nisur nje greve-proteste përpara Kryeministrisë, si dhe ka nisur zbatimi i reformës ne drejtësi e përgatitjet per zgjedhjet e 18 qershorit. Krahas takimeve me zyrtaret e shtetit dhe kreun e opozitës Basha, eurodeputeti ka ne axhenden e tij edhe nje takim me avokatin e popullit, studente dhe përfaqësues te shoqërisë civile. Sipas Fleckenstein, takimi i radhës, i shtyrë, i komitetit ndërparlamentar me Shqipërinë do të jetë në shtator, pasi ai nuk mund të mbahet përpara zgjedhjeve parlamentare. Edhe rezoluta e miratuar pak dite me pare ne Parlamentin Europian kishte ne thelb tre pika kryesore: zbatimi i reformës ne drejtësi duke nisur me vetingun e gjyqtareve dhe prokuroreve si kryekushtin per çeljen e negociatave, apelin për mbajtjen e zgjedhjeve te lira dhe me standarde ne qershor, si edhe rezultatet konkrete ne luftën kundër korrupsionit nëpërmjet dënimit te zyrtareve te larte.