ITALI-Guarda di Finanza ka ndaluar mëngjesin e sotëm në Bari të Italisë një skaf që po tentonte të trafikonte 1360 kg kanabis sativa.

Si posedues të kësaj lënde narkotike janë arrestuar në bordin e skafit, 2 shqiptarë. Të arrestuarit janë me inicialet G.I 24 vjeç dhe B.K 52 vjeç.

Arrestimi i tyre ka ardhur pas aktivizimit prej 24 orësh të sinjaleve te alarmit nga pala shqiptare.

Policia italiane me anë të njësive operative te Guardia di Finanza në Durrës e Vlorë dhe atyre te Pulias u vu menjëherë ne gadishmëri dhe pas identifikimit të mjetit lundrues janë venë në ndjekje me mjetet e tyre detare të shpejta për ndalimin e skafit të kundraligjshem dhe kapjen e trafikantëve.

Autoritet e të dy policive vijonë hetimet për të zbuluar të implikuar të tjerë në trafik dhe lidhjet me dy mjetet lundruese të ndaluara në bregdetin shqiptar me skafistët italianë.