Subscribe në Ora News këtu http://bit.ly/1s5j7UT

Edhe pse e ka marrë një përgjigje negative, Ministri i Drejtësisë nuk ka ndryshuar qëndrim në lidhje me propozimin e tij për ta përfshirë ushtrinë në aksionet antikanabis. Nga komisioni i Integrimit, Manjani ka bërë të njëjtin apel që është kundërshtuar sërish nga Ministrja Kodheli në një Komision tjetër. Ministrja ka folur edhe për mosdekretimin e kreut të Shtabit të FA-së, që sipas saj nuk e bllokon punën.
Edhe pse e kishte marrë një përgjigje për këtë propozim, Ministri i Drejtësisë nuk ka ndryshuar qendrim. I pyetur në Komisionin e Integrimit për këtë çështje, përfaqësuesi i LSI-së tha se ndaj këtij fenomeni duhet kontributi i të gjithëve.
Por nga komisioni i Sigurisë, Ministrja e Mbrojtjes edhe pse e pyetur nga një deputet i djathtë, tha se ushtria ka një mision serioz dhe që është mbrojtja e atdheut.
Në këtë debat u përfshinë edhe deputetë të tjerë, që akuzuan opozitën që po bën gjithçka për të nxirë punën e policisë.
Ministri i Drejtëssië e hodhi idenë e përfshirjes së ushtrisë në luftën anikanabis disa javë më parë që mori përgjigje negative nga Ministrja dhe nga eksponentë të PS-së.

Për më shumë lexoni në: http://www.oranews.tv/vendi/ushtria-kunder-kanabisit-manjani-perserit-propozimin-kodheli-serish-kunder/