http://www.vizionplus.tv
https://facebook.com/VizionPlusTV
https://twitter.com/VizionPlusTV
Një skaf privat që udhëtonte nga Italia në drejtim të Shqipërisë, u bllokua në mes të detit në orën 6 të mëngjesit të së dielës, 10 milje në veriperëndim të ishullit të Sazanit. Alarmin për policinë kufitare e ka dhënë Fatjon Jahaj, i biri i drejtuesit të skafit Adrian Jahaj, i cili gjendet në mjetin lundrues. Me të marrë sinjalin, ka nisur operacioni i kërkim shpëtimit nga forcat detare, e cila ka nisur për ndihmë dy anijet e saj, njërën nga Sazani dhe anijen tjetër nga Pashalimani. Kapiten Ilir Çobo, në një lidhje telefonike për Vizion Plus tregon mbi përpjekjet për gjetjen e personit. Për shkak të kushteve atmosferike operacionin në det po e vijon vetëm anija ?Oriku?, ndërsa është kërkuar ngritja e një helikopteri ?kugar?, që aktualisht është pjesë e operacionit të kërkim- shpëtimit. Kushtet atmosferike janë të vështira, thotë kapiten Çobo. Por nënvizon se operacioni do të vijojë.