Pas dy humbjeve radhazi, eksponentë me peshë të Partisë Demokratike, për herë të parë që pas largimit të Sali Berishës, kanë kërkuar rishikimin e pozitave të lidershipit të partisë, për të evituar një tjetër disfatë në horizont, e cila do t?i rezervonte PD një qëndrim të gjatë në opozitë. Ndërsa deputeti Roland Keta kërkoi shkarkimin e Enno Bozdos, deputeti Eduard Selami propozoi që të mblidhej Këshilli Kombëtar për të analizuar dhe vendosur për fatin e lidershipit të PD në tërësi. Lidershipi i opozitës përbëhet nga një rreth bashkëpunëtorësh dhe njerëzit të besuar të Lulzim Bashës, kandidatë potencialë për deputetë në zgjedhjet parlamentare të 2017.