Babai përdhunon të bijën në pyll dhe më pas arratiset. Policia e arreston pas 12 orë kërkimesh autorin e dyshuar të përdhunimit të të bijës, në një banesë të braktisur.

Ngjarja ndodhi të enjten në mesditë në fshatin Kukaj të njësisë administrative të Kastriotit në Dibër.

Sipas burimeve të policisë, ngjarja ka ndodhur në një zonë të pyllëzuar jo shumë larg fshatit ku familja banonte.

Policia është njoftuar nga xhaxhai i vajzës i cili ka gjetur atë në gjendje të rënduar psikologjike dhe më pas menjëherë ka njoftuar njerkën e vajzës e më pas edhe policinë.

Nëna e të miturës 15- vjeçare, sipas policisë nuk jetonte prej disa vitesh ndërsa e dëmtuara jetonte me babain njerkën dhe vëllain.

Blutë e Dibrës me të mbërritur në zonë, pasi kanë një deklarim verbal vajzës, kanë nisur kërkimin e babait të saj Guri Përgjegjit.

Ajo ka rrëfyer se babai i saj kishte dhunuar atë fizikisht duke e dërguar në një zonë të pyllëzuar ku edhe e kishte përdhunuar.

Ky i fundit sipas policisë ishte arratisur dhe ishte fshehur në një zonë të pyllëzuar jo larg fshatit.

Pas marrjes së rrëfimit të vajzës, ajo është transferuar për ekzaminim në Institutin e Mjekësisë Ligjore në Tiranë, ku edhe është konfirmuar se ajo ishte përdhunuar.

Ndërkaq pas 12 orë kërkimesh të 46-vjeçarit Përgjegji, ai është arrestuar mëngjesin e kësaj të premteje në një banesë të braktisur në fshatin Kukaj të njësisë administrative të Kastriotit në Dibër.

Ndaj Përgjegjit, policia ka ngritur akuzën e ?kryerjes së marrëdhënie seksuale në gjini", ndërsa i arrestuari është izoluar në një nga qelitë e komisariatit të Policisë së Dibrës deri në dhënien e masës së sigurisë ndaj tij nga Gjykata e Dibrës.

Banorët e zonës tregojnë për Report TV se vajza ishte prej disa ditësh në depresion. Në fshatin ku ndodhi ngjarja tronditëse jetojnë vetëm 10 familje. Report Tv sjell edhe foto nga vendi ku ndodhi ngjarja dhe të autorit të inçestit.