Ka nisur zyrtarisht puna për prishjen e stadiumit kombëtar "Qemal Stafa".

Prishja e stadiumit ka nisur në pjesën pas portave, por më pas do të vijohet edhe nga hyrja kryesore e tij, pranë sheshit ?Italia?.

Ndërkohë ende një pjesë e biznesve që ndodhen në ambjentet e stadiumit Qemal Stafa, ende nuk janë larguar, por pritet që të mbyllen në ditët në vazhdim. Brenda stadiumit dhjetra punonjës kanë nisur heqjen e stolave, për t'i ruajtur ata.

Menjëherë pas rrëzimit të stadiumit, do të nisin punimet për projektin e Arenës Kombëtare. Një stadium i cili do të jetë multifunksjonal dhe nuk do të përdoret vetëm për të luajtur futboll. Ky projekt është kundërshtuar nga opozita për shkak të një kulle që do të ketë në krah të tij. Arena Kombëtare do të ketë 22 mijë vende për tifozët, por do të ketë edhe 14 mijë metra katrorë të cilat do të përdoren nga bizneset.

Për sa i përket kullës, ajo ende nuk është përcaktuar me sa kate do të jetë.Projekti do të jetë multifunksional dhe krahas aspektit sportiv do të ketë hapësirë edhe për aktivitete të tjera.