Ka nisur në Malësinë e Madhe operacioni për nxjerrjen nga ujërat e liqenit të helikopterit i cili u rrëzuar dy ditë më parë dhe ku gjetën vdekjen 2 pilotët e u plagos një efektiv ushtarak.

Operacioni për nxjerrjen e mjetit fluturues ka nisur nga ana e forcave ushtarake si dhe polumbarëve të RENEA-s.

Helikopteri është në një thellësi prej 7 metrash në ujë dhe synohet që të nxirret me jastekë ajri që pritet të nxirret nga ujërat e Shirokës e më pas në breg.

Disa pjesë të helikopterit që u aksidentua u gjetën ditën e aksidentit, ndërkohë që trupi i tij ka qëndruar në thellësi të ujit.

Pas nxjerrjes së helikopterit ai do dërgohet në Ministrinë e Mbrojtjes, ku do merret kutia e zezë, nëse nuk është dëmtuar, dhe do hetohet shkaku i këtij aksidenti.