Rruga e keqe po bëhet pengesë për vizitorët që duan të shkojnë në pikën turistike të Apolonisë. Prej muajsh situata në këtë rrugë është rënduar dhe një pjesë e aksit Fier-Apoloni është thuajse e pakalueshme.

Rruga është problem edhe për afro 3 mijë banorë të zonës që nëpërmjet këtij aksi lidhen me qytetin e Fierit.

Qyteti Antik i Apolonisë është një ndër destinacionet më të vizituara nga turistët në vendi tonë. Por për të shkuar aty, vizitorët duhet të heqin peripecitë në aksin rrugor që lidh këtë pikë turistike me qytetin e Fierit.

Arkeologu Admir Xhelaj thotë se edhe pse numri i vizitorëve ka qenë i madh, por kushtet e rrugës i largojnë ata gjithnjë e më shumë nga ky destinacion.

Kjo rrugë është problem edhe për afro 3 mijë banorë të fshatit Pojan, të cilët shprehen se gjendja e rrugës është rënduar nga mjetet e rënda që kaloujnë për ndërtimin e Unazës së së Fierit.