Një aksident automobilistik ka ndodhur mbrëmjen e së dielës në aksin rrugor Fier - Kraps, ku një automjet ka dalë nga rruga duke përfunduar në shinat e hekurudhës.

Sipas të dhënave të para bëhet e ditur se mjeti tip Audi përfundoi pranë linjës hekurudhore Fier - Ballsh dhe drejtuesi i automjetit Admir Agalliu ka marrë plagë në kokë dhe është dërguar në spital për të marrë ndihmën mjekësore.

Menjëherë në vendin e ngjarjes kanë mbërritur ekspertët e policisë, të cilët kanë nisur hetimet për shkaqet e këtij aksidenti.