Nga Malësia e Madhe, ku ka marrë pjesë në 71-vjetorin e Lëvizjes Anti-Komuniste, Presidenti i Shqipërisë Bujar Nishani, ka kritikuar ligjin e hapjes së dosjeve.

? Krimet e komunizmit janë të padënuara. Dosjet e komunizmit kanë 71 vite të pahapura. Ligji i hapjes së dosjeve nuk mund të jetë i plotë pa ligjin e Lustracionit? është shprehur Kreu i Shtetit.

Më tej Nishani ka deklaruar se nën pretekstin e reformës në drejtësi, po tentohet të ndalohet dënimi i krimeve të komunizmit, pasi sipas tij ekziston një nen që e ndalon atë.
"Një provokim i rëndë për memorien e kombit. I bëj thirrje deputetëve ta rrëzojnë këtë nen," ka thënë Nishani.

Sa i përket projektligjit të pronave, Presidenti është shprehur se ?para pak vitesh askush nuk do e besonte se do vinte ligji i konfiskimit të pronës?. Deklarata e presidentit erdhi pak ditë pasi vendosi të dërgojë për shqyrtim në Gjykatën Kushtetuese ligjin e pronave të miratuar në Kuvend pa asnjë ndryshim edhe pasi Kreu i Shtetit dekretoi rikthimin e tij.

Nishani në fund të fjalës së tij nderoi me Dokaratën e Artë të Shqiponjës, Lëvizjen Anti-Komuniste.