http://www.vizionplus.tv
https://facebook.com/VizionPlusTV
https://twitter.com/VizionPlusTV
Fundjava ka qene tejet e ngjeshur me transmetimet futbollistike ne platformën Tring. Ne superligen zvicerane, Taulant Xhaka ka fituar derbin e shqiptareve kundër Migjen Bashes, Jahmir Hykes dhe Hekuran Kryeziut, pasi Bazeli fitoi ne shtëpi 3 me 0 kundër Luzernes. Ne ndeshjen e javës se 17 te kampionatit e transmetuar ne Tring, kampionet fituan lehtësisht falë një super paraqitje në pjesën e parë ku shënuan te tre golat me Bjarnason, El Nenin dhe Cala. Xhaka ishte i vetmi kuqezi në fushë për Bazelin, ndërsa Gashi nuk luajti asnjë minute. Nga ana tjetër për Luzernen luajti titullar Migjen Basha i ndëshkuar edhe me te verdhe, Kryeziu qe u zëvendësua ne pjesën e dytë, ndërsa Hyka u fut në fushë si zëvendësues. Kampionati belg ne ketë sezon po karakterizohet nga një lufte e forte sportive, sidomos ne pjesën e sipërme të tabelës së klasifikimit. Kampionet ne fuqi te Gent, Bryzh dhe Anderleht ndahen nga një diference 2 pikeshe nga njëra tek tjetra. Këtë të diele rezultatin me të thelle e ka dhuruar klub Bryzh që mundi 1 me 4 ne transferte Mechelen në një ndeshje të transmetuar në Tring. Miqtë fituan me përmbysje pas golit te avantazhit te vendasve të shënuar në pjesën e parë. Në të dytën Bryzh përmbysi gjithçka, falë dy golave te Vosen dhe realizimeve te Dirks dhe Vanaken. Bryzh ngjitet ne 34 pike, 2 me pak sesa kryesuesit e Gent. Në Skoci vijon dominimi i Celtic, skuadër që ne takimin përmbyllës të javës së 16 mundi në transferte Invernes me shifrat 1 me 3. Ndryshe nga sa tregon rezultati, takimi ka qenë shumë më i vështirë për kampionet e Skocisë, të cilët pasi kaluan shpejt ne avantazh me Mc Gregor, lëshuan shumë në lojë, duke u barazuar në të 39 nga Storey. Megjithatë qe gol i bukur i Grifits dhe një autogol i Divain në fraksionin e dytë e ngjitën Celtic në kuotën e 39 pikëve në vendin e parë me 7 pikë avantazh nga Aberdeen.