http://www.vizionplus.tv
https://facebook.com/VizionPlusTV
https://twitter.com/VizionPlusTV
Opozita ka denoncuar per te dytën dite me radhe Operatorin e Shpërndarjes se Energjisë, i cili sipas Partisë Demokratike paratë e mbledhura nga qytetaret nuk i ka investuar per përmirësimin e furnizimit me energji, por i ka përdorur per te pasuruar klientët dhe deputetet e qeverise. Nënkryetari i PD Edmond Spaho ka deklaruar se OSHEE ka shpërndare miliona për deputetë të Edi Ramës, kandidatë për kryetarë bashkie apo donator të Partisë Socialiste dhe LSI-së, para qe janë ndarë me negocim pa shpallje gare. Edhe ne ketë dalje publike te PD ne krye te listës se te akuzuarve ka qene biznesmeni Carapuli.?Këto para u duheshin marrë me dhunë qytetarëve që ndërtuesi i sarajeve të Edi Ramës të kapte 5 miliardë lekë për rikonstruksion zyrash. Sipas llogarive të bëra, ndërtuesit të Ramës i janë dhënë para për të bërë punime rregulluese që shkojnë 1639 euro metri katorë. Ndërkohë që për të ndërtuar një godinë të re kostoja është 4 herë më e vogël. Si hienat merr, shqyej, mbush trastën e ik. Kjo është banda e OSHE, këto janë arritjet e mëdha të Edi Ramës. Sipas PD përfitues kane qene edhe kandidatet e ps apo edhe deputetet socialiste. Këto para u duheshin marrë me dhunë qytetarëve që të merrte pa tender Safet-kandidati i Edi Ramës në Kamëz, 850 milionë lekë për shërbimin e ruajtjes dhe sigurisë fizike sikurse mori edhe kompania e Pjerin Ndreut, 340 milionë lekë. Kur ndahet torta nuk mungon i kudondodhuri i korrupsionit, Ilir Beqaj, me kompaninë e tij Intech plus, që ngjeu lugën edhe me paratë e OSHE-së. 970 milionë lekë ka përfituar Sadri Abazi, një tjetër kanakar i Edi Ramës.?Prej javësh, qeveria është vendosur ne qendër te akuzave per marrëveshjen e arritur nje vit me pare me kompaninë ceke CEZ, por ditët e fundit opozita e ka zgjeruar spektrin e akuzave, duke denoncuar tenderat sipas saj abuzive, qe janë zhvilluar nga kjo qeveria e nga operator i shpërndarjes se energjisë.