http://www.vizionplus.tv
https://facebook.com/VizionPlusTV
https://twitter.com/VizionPlusTV
Ministri i Brendshëm Saimir Tahiri tha se fatkeqësitë natyrore kanë një faturë të madhe ekonomike dhe nëse shkaktohen nga njeriu atëherë duhet të ketë dënime më të ashpra penale. I pranishëm në aktivitetin e zhvilluar në Ministrinë e Mbrojtjes në përfundim të trajnimit të emergjencave civile nga Shtetet e Bashkuara të Amerikës, Tahiri nënvizoi se pasojat e këtyre fatkeqësive kërkojnë angazhim të mbrojtjes civile. Ministrja e Mbrojtjes Mimi Kodheli, tha se përfundimi i trajnimit nxori në pah dhe problemet e strukturave të emergjencave civile, të cilat do të përmirësohen. I pranishëm ishte dhe zv/kryeministri Niko Peleshi, i cili garantoi siguri për rajonin nëpërmjet trajnimeve dhe me vendet e Ballkanit.