http://www.vizionplus.tv
https://facebook.com/VizionPlusTV
https://twitter.com/VizionPlusTV
Kandidati i opozitës per Bashkinë e Tiranës, Halim Kosova, ka premtuar furnizim 24 ore me ujë. Gjate nje takimi me banoret e njësisë numer 4 ne kryeqytet doktor Kosova ka deklaruar se do te beje çdo përpjekje qe Tirana te shpëtoje nga depozitat e ujit. ?Po bëjmë të gjithë përllogaritjet që Tirana ka mundësi të ketë furnizim 24 orë me ujë. Dhe të gjithë këto fuçira, depozita që nganjëherë bëhen dhe mollë sherri midis komshijve, të hiqen më në fund nga qyteti ynë. Do ta sjellim ujin pa qënë nevoja ta japim më koncesion se nuk duam të na ndodhë siç ka ndodhur me energjinë elektrike. Menaxhimi është plotësisht i mundshëm nga Bashkia e ardhshme e Tiranës. Në çdo objektiv të jemi të saktë, me fillime, me mbarime afatesh , me objektiva, me standarde dhe çdo gjë do të jetë e mirëkalkuluar në mënyrë që çdo gjë të bëhet realitet.?Kandidati i se djathtes u ka shpjeguar qytetareve edhe planin e tij per ata qe kane probleme me strehimin.?Janë rreth 7000-8000 apartamente që kanë ngecur. Do të thotë që nuk shiten më në Tiranë. Idea ime është kjo, që në qoftë se një firmë ndërtuese ka 60 hyrje dhe i ka shitur 45 ose 50 dhe i kanë ngelur 10 dhe nuk po ecin më, unë do të kërkoj një çmim në kosto, në mënyrë që Bashkia të bëhet ndërmjetëse për ti marrë dhe për t?ia dhënë atyre që kanë nevojë. E para. E dyta, kur një qytetar merr një apartament me qera, ne duam të bëjmë një lloj kontrate me ndërtuesin, që personi që ka ndenjur me qera për disa vite aty, e gjithë qeraja t?i quhet dhe ti zbritet nga çmimi i shtëpisë.?Doktor Kosova ka premtuar edhe 2500 bursa shkollimi per te gjitha familjet qe nuk e përballojnë shkollimin e fëmijëve te tyre.