http://www.vizionplus.tv
https://facebook.com/VizionPlusTV
https://twitter.com/VizionPlusTV
Vetëm pak minuta, ka mjaftuar që nje kodër në fshatin Hajdaraj te Lushnjës të përfshihet nga flakët. Vatrat e shumta të zjarrit të përhapura me shpejtësi kanë bërë të mundur djegien 15 hektarëve toke, përfshi këtu parcelat e ullinjve, si dhe shumë nga pemët frutore të zonës. Por flaket kanë rrezikuar edhe shumë nga banesat te cilat ndodhen 500 metër larg vendit ku ka rënë zjarri. Zjarrfikësit dhe policia kanë shkuar menjëherë në vendngjarje, por me gjithë përpjekjet e tyre, dëmi i shkaktuar ishte tepër i madh. Janë ende të paqarta shkaqet e këtij zjarri, por policia po punon për zbardhjen e plotë të saj. Ndërkohë një tepër zjarr është shënuar në banesë rreth 150 vjeçare në lagjen Dunavat të Gjirokastrës mbasditen e së premtes. Shkak i zjarrit mendohet të ketë qenë në shkëndijë elektrike. Përveç dëmeve materiale, nuk ka të lënduar në njerëz. Kjo banesë 150 vjeçare i përket katër familjeve Gjirokastrite, dy prej te cilave janë ne emigracion. Ndërhyrja e shpejt e zjarrfikësve ka bërë të mundur shpëtimin e kësaj banese karakteristike ndërtimi i se cilës daton ne vitin 1868.