http://www.vizionplus.tv
https://facebook.com/VizionPlusTV
https://twitter.com/VizionPlusTV
12 vjet më parë, Zamira Kita, sot drejtore e teatrit të Korçës dhe Arben Dervishi, emigrant në SHBA, ishin bashkë në këtë skenë në një recital me pjesë të zgjedhura nga humori korçar. Por regjisori Guri Koço i bashkoi sërish në skenë me një tjetër recital, të titulluar "Shaka korçare" me pjesët më të bukura të luajtura prej tyre në vite. Së bashku me aktorët e njohur në premierën e mbrëmshme kanë luajtur edhe aktorë të rinj të teatrit "Andon Zako Çajupi", mes të cilëve edhe Albano Prodani. Recital është pritur ngrohtë nga artdashësit korçarë ndërsa gjatë premierës u kënduan edhe motive të njohura korçare. Aktori Arben Dervishi pas recitalit nuk i ka fshehur emocionet e rikthimit në këtë skenë. Premiera "Shaka korçare" do të shfaqet për disa ditë me radhë në skenën e Teatrit të qytetit të Korçës.