http://www.vizionplus.tv
https://facebook.com/VizionPlusTV
https://twitter.com/VizionPlusTV
Kreu i Shërbimit Informativ Shtetëror Visho Ajazi mohon trafikun e droges nga forcat e armatosura. Nëpërmjet nje deklarate per shtyp zoti Ajazi i ben apel politikes te mos e perdore kete çeshtje per interesa te saj dhe qe cenojne punën e institucionit qe ai drejton. Sipas kryetarit te SHISH nuk ka prova per trafik droge nga ushtria shqiptare."Ky informacion jo vetëm nuk përmban asnjë fakt të vërtetuar nga ne, lidhur me trafikimin e drogës përmes infrastrukturës ushtarake, por po shpërdorohet mediatikisht në një formë krejt të papranueshme që cenon drejtpërdrejt punën dhe imazhin e Shërbimit Informativ të Shtetit. SHISH u bën apel mediave dhe politikës që, për interesat e ditës, të mos dëmtojnë punën e institucionit dhe interesat e vendit, duke e siguruar publikun se informacioni në këtë rast nuk lidhet me përfshirjen e asnjë strukture shtetërore, si dhe duke u kërkuar organeve të drejtësisë të vendosin para ligjit burimet e dekonspirimit të informacionit të klasifikuar".Kohet e fundit opozita ka ngritur nje vale akuzash ndaj qeverise dhe ministrisë se mbrojtjes per përdorimin sipas saj te ushtrisë per qellim te trafikimit te lendeve narkotike.