http://www.vizionplus.tv
https://facebook.com/VizionPlusTV
https://twitter.com/VizionPlusTV
Me apo pa Teatër Eksperimental, skena e artit alternativ në vend duket se po gjen hapësirë në një tjetër institucion! Teatri Kombëtar hap kështu dyert e sallës së tij kryesore për kompanitë e pavarura, duke plotësuar kështu mungesën e shfaqjeve të një kalendari te ri. "Extreme makeover- Culture Clash" ose e thëne ndryshe "Ndryshim Total e Përplasje Kulturash" është shfaqja me koreografi të Gjergj Prevazit e cila nis këtë bashkëpunim. Në zhanrin ku aktrimi gërshetohet me kërcim, shfaqja e Prevazit bën bashke dy aktorë, një shqiptar të Kosovës dhe një artiste gjermane. Ata janë çift në skene dhe kulturat e tyre të ndryshme, sjellin pikërisht përplasjet që evokon dhe titulli i shfaqjes. Pas shfaqjes në Teatrin Kombëtar mbrëmjen e të martës, pjesa do të udhëtojë ne Festivalin Ndërkombëtar të Salernos, në Itali.