http://www.vizionplus.tv
https://facebook.com/VizionPlusTV
https://twitter.com/VizionPlusTV
Edhe pse është një nga figurat kryesore të së majtës, koalicioni i së cilës po qeveris sot vendin, Ben Blushi është prezantuar në librin e tij të ri jo vetëm si një socialist, por si një mendimtar largpamës. Pikërisht në një nga çështjet më të nxehta të momentit, atë të rritjes së taksave Blushi jep një parashikim. Edhe pse deklaron se përqasja e tij nuk i takon dy apo tre viteve te ardhshme, por dekadave më vone, për të pabarazia mes shtresave të shoqërisë vetëm do të thellohet. Duke e quajtur "Hëna e Shqipërisë"  librin me ese, Blushi e sheh të ardhmen e shqiptareve pesimiste. Madje kur shkruan për Bashkimin me Kosovën, ai provokon duke thëne se një ditë, do të jenë shqiptarët e Kosovës ata që nuk do ta duan më këtë proces. Feja, e ardhmja në Evrope, gjuha jonë apo shkolla janë disa prej pikave të tjera ku Blushi ngacmon për 100 vitet tona në vijim. Edhe pse nuk e quan profetësi, "Hëna" e tij pesimiste është një udhëtim në të ardhmen.