http://www.vizionplus.tv
https://facebook.com/VizionPlusTV
https://twitter.com/VizionPlusTV
Feimi është një i ri nga Gjirokastra të cilin jeta e ka përballur me probleme fizike dhe ato të komunikimit normal. Kushdo që e ka njohur më parë 21-vjeçarin, do të mbetej i befasuar kur e shikon atë sot. Brenda një viti, ai është riaftësuar në kufij të pabesueshëm fizikë, si dhe ka fituar aftësi më të mira komunikative, falë integrimit me individë të tjerë që  bëjnë stërvitje në palestër me të. Por më befasuese është pjesëmarrja e tij në fundvit në kampionatin e Natural Bodybuilding, në Zaqintho të Greqise ku Feimi zuri vendin  e parë, çka e bën rastin e tij unikal në Evropë. Feimi ka krijuar muskujt e tij dhe bukuria fizike e tij sot konkurron me të rinjtë kudo në botë që ashtu si ai, sfidojnë me vullnet të hekurt ato kufij fizikë me të cilat u përballën në hapat e parë të jetës së tyre. Mungesa e sponsorizimit bëri që Feimi të mungojë në një kampionat tjetër të këtij lloji në SHBA, ndërkohe që ka filluar të stërvitet për takimin e radhës ne Sllovaki. Trajneri i tij është një nga sportistët e njohur të kësaj fushe Nikollaq Muço, që thotë se Feimi falë këmbënguljes së tij ndryshoi për një kohë të shkurtër. Feimi është shembulli  i thyerjes së emërtesës "Aftësi e kufizuar", një term i cili e rëndonte dhe atë vetëm pak kohë më parë. Ai kapërceu kufij që shumë të rinj mund t'i kapërcejnë me vullnetin e tyre.