http://www.vizionplus.tv
https://facebook.com/VizionPlusTV
https://twitter.com/VizionPlusTV
Katër tragetet e para me shqiptarë emigrantë kryesisht në Itali kanë ardhur deri në orën 10:00 të paradites së sotme ndërsa ky fluks do të rritet në ditët në vijim. Ata shprehen se nuk ka pasur problem gatë udhëtimit duke shtuar se do të qëndrojnë në atdhe për vetëm disa ditë. Në terminalin e pasagjerëve funksionojnë 10 sportele për vulosjen e pasaportave për udhëtarët, ndërsa në daljet e automjeteve funksionojnë sportele të tjerë për përpunimin e udhëtareve që mbërrijnë në port me automjetet e tyre. Përpunimi i emigrantëve tashmë kryhet në një kohë të shpejtë, duke mos krijuar radhë të gjata. Burime nga policia kufitare kanë bërë të ditur se vetëm ditën e sotme pritet të mbërrijnë në portin më të madh të vendit afro 3000 udhëtarë dhe rreth 850 autovetura.