http://www.vizionplus.tv
https://facebook.com/VizionPlusTV
https://twitter.com/VizionPlusTV
Reshjet e shumta të shiut që kanë përfshire Gjirokastrën dhe krejt rajonin jugor në orët e mbrëmjes së kaluar dhe përgjatë natës kanë sjellë probleme për banorët e fshatit Valare dhe drejtuesit e automjeteve, në vendin e quajtur "Shkalla e zezë". Nga reshjet e shumta të shiut qarkullimi në segmentin Gjirokastër-Tepelenë është shndërruar në njëkalimësh dhe orientohet nga policë rrugorë. Rrebeshi i shiut ka bërë që ujërat në fshatin Valare të përmbytin disa banesa ndërsa situata në to është normalizuar pas ndërhyrjes së forcave zjarrfikëse dhe atyre të ndërhyrjes së shpejte. Shkak për vërshimin e ujit në banesa është bërë bllokimi i kanalizimeve në rrugët e këtij fshati.