http://www.vizionplus.tv
https://facebook.com/VizionPlusTV
https://twitter.com/VizionPlusTV
Monotonia e se shtunës është thyer tashme, teksa "Al Pazar" numëroi mbrëmjen e djeshme puntaten e dyte te këtij sezoni. Unik ne stilin dhe llojin e vet, popullor dhe i dashur spektakli i humorit përcjell problemet e vendit dhe politiken përmes sarkazmes, ironisë, batutës e humorit te holle. Si Show i nostalgjisë e i takimit me personazhet emblematike te artit shqiptar te muzikës, teatrit dhe kinemasë "Al Pazar" ka sjelle mbrëmjen e djeshme një tjetër ikone, Artisten e Popullit, Melpomeni Çobani, me një performance live e cila riktheu serish emocionet e interpretimit për aktoren. Melpomeni Çobani, numëron 1500 role teatrale e kinematografike, gjatë karrierës së saj 40-të vjeçare në Estradë. Për meritat e saj artistike është vlerësuar me shumë Çmime e Tituj, mes te cilëve mund të përmendim "Artiste e Merituar", "Artiste e Popullit" dhe Urdhri "Naim Frashëri" i Klasit të I-rë. Dhe nëse Show i humorit te fundjavës ju bën te qeshni, te ndjeheni nostalgjike apo te reflektoni mbi shume fenomene, "Al Pazar" ka një moto për te gjithë dhe për te gjitha ndjesitë: "Merreni me te qete, kështu ka qene, është, dhe do te jete". Dhe qe t'ia dilni ne këtë drejtim, kujtohuni çdo te shtune, ora 21:00 ne ekranin e "Vizion Plus".