http://www.vizionplus.tv
https://facebook.com/VizionPlusTV
https://twitter.com/VizionPlusTV
Zvicra eshte nje prej shteteve me te njohur per mbajtjen e referendumeve. Gjate vitit te kaluar zviceranet jane thirrur per te marre pjese ne 12 procese referendare, nderkohe qe per 2013-ën, deri tani jane zhvilluar 5 dhe pritet te mbahen edhe 4 te tjere. Tobby Gesler shtetas nga Zvicra, eshte 32 vjeç dhe qe prej moshes 18-vjeçare, kur i njihet e drejta e votes, ka marre pjese ne 30 referendume. Me fjale te tjera, ne 14 vjet, qe ushtron kete te drejte, i eshte dashur te shkoje ne kuti votimi me çeshtje specifike me shume se çdo 6 muaj. Këtë te diele është ftuar serish te shprehet. "Te dielen pas dy ditesh do te marr pjese ne nje referendum per liberalizimin e orareve kur duhet te rrine hapur dyqanet. Pra, ne duhet te vendosim nese jemi ne favor ose jo qe dyqanet te rrine hapur përgjatë gjithe nates. Une personalisht do te votoj kunder pasi mendoj se ne i kemi te gjitha mundesite te blejme gjerat per te cilat kemi nevoje gjate dites dhe per me teper me voten time dua te mbroj punëtorët nga puna ne oret e vona te mbrëmjes, pasi pronaret mund t'ju thone beje ose largoju." Kushtetuta shqiptare ne kapitullin e 11-të, u jep qytetareve te drejtën per te organizuar apo per te marre pjese ne nje referendum, por qe prej miratimit te saj 15 vjet me pare, kjo e drejte nuk eshte zbatuar kurre. Dhe kjo sipas konstitucionalisteve, per nje sere arsyesh. Sipas Gent Ibrahimit pengesa me e madhe qendron tek ligji, i cili ne vend qe te krijoje hapesira per realizimi e referendumeve ngre pengesa. E vetmja kerkese per referendum qe kaloi te gjitha hallkat ligjore ishte ajo per ndalimin e importit te mbetjeve per te cilen presidenti kishte dekretuar edhe daten e mbajtjes se votimeve, por per shkak se qeveria shfuqizoi importin e plehrave, edhe ky referendum nuk do te zhvillohet.