http://www.vizionplus.tv
https://facebook.com/VizionPlusTV
https://twitter.com/VizionPlusTV
Në Shqipëri nuk mund të flitet për pajisje mjekësore të sigurta. Prova më konkrete është rasti që po paraqitet, ku vetë ne provuam të bëjmë matjen e tensionit në dy farmaci të ndryshme. Siç mund të shihet dhe në pamje te farmacia e pare tensioni në aparat shënon 9.8 me 6.3. Është e njëjta orë dhe ne po shkojmë të provojmë nivelin e tensionit në një tjetër farmaci. Kësaj herë tensioni është 11.3 me 6.8. Çdo aparat mjekësor ka nevojë për kontrollin metrologjik të tij. Matja e tensionit është vetëm një prej tyre. këto matje janë të rëndësishme për jetën dhe nëse rezultati i tyre është i gabuar atëherë edhe sasia dhe lloji i medikamenteve mjekësore që do të përdorim do të jetë e gabuar. Ish-drejtori i Politikave në ministrinë e Shëndetësisë, Pëllumb Pipero, shprehet se përveç pajisjeve të ndryshme që blejmë në farmaci në shumë raste vihet në pikëpyetje edhe siguria e aparaturave në spitalet publike. Sipas Piperos, lëvizshmëria e rezultateve që janë në aparatet matëse të mjekësisë ndryshon në shumë raste, por e rëndësishme është që parametrat të mos luhaten në vlera të mëdha. Dhe në këtë rast do të vihej në pikëpyetje shëndeti i gjithsecilit.